وذلك بقرية المنشة الشرقية طريق مصنع السكر التابعة لمدينة سيدي غازي ، ومطلوب تدخل والتحقيق من مديرية أوقاف كفرالشيخ، ونسرد المشكلة من أحد الأهالي في نقاط :- المسجد في منطقة زراعيه في اخر قرية المنشة الشرقية بمدينة #سيدي_غازي تضم عد من البيوت والمسجد كان مقام علي مساحه صغيره وهو خاضع لوزارة الاوقاف
- واحد سعودي كان عاوز يبني مسجد وتم الاتفاق معاه انه يتم إعادة بناء المسجد القديم وكان عاوز مساحة المسجد تكبر وتم الاتفاق بين كبار المنطقة بجمع اموال لشراء أمتار من الجار لتوسعة المسجد ، وتم جمع المال وشراء الامتار من الجار بمبلغ 17000 جنيه لمترين فقط والجار الآخر تبرع لوجه الله .
- تم بناء المسجد وكان الافتتاح السبت 6 مايو الشهر الماضي وبني المسجد علي نفقه الرجل السعودي وبني فيه صندرة للسيدات وطبعا مصلى كبير للرجال .
- تاني يوم من الافتتاح قام الجار المجاور للمسجد بالاعتداء على المسجد بغلق باب السيدات بالطوب والاسمنت بالمنظر ده حتي لا يستطيعون الدخول الي المسجد ، واغلق ايضا شباك مجاور لمنزله .
- الشكوى بتقول ان محدش من العمال بالأوقاف بلغ عن الرجل لأنه يبقى الأخ الأكبر لموظف العهدة وعم المؤذن ، وبيقولوا المسجد بتاعنا ونعمل اللي عاوزينه !
وأنه ببناء جراج للعربيه وجعل الجدار علي جدار المسجد ، والصور بتأكد انه ملوش حق يبني على جدار المسجد
- كل سيدات وبنات المنطقة معترضين لانهم كانوا نفسهم يصلوا في المسجد ويحضروا صلاة التراويح في رمضان ، والبنات والستات دول كانوا بيساهموا وبيساعدوا العمال في بناء المسجد وكل بيت كان بيطلع أكل للعمال كل يوم وكانوا نفسهم يكونوا في المسجد بيصلوا .
ونطالب وكيل أوقاف كفرالشيخ الشيخ سعد الفقي بالتدخل العاجل والسريع خصوصا ان المشكلة وصلتنا من 3 اسابيع تقريبا لكن مع تغيير الادمنز وتوقف الصفحة لم ننشرها وقتها .
0 التعليقات Blogger 0 Facebook
إرسال تعليق